Shir ay si wada-jir ah u qabteen Wasaaradaha Ganacsiga iyo Qorsheynta ee Soomaaliya, oo lagu ibo furaayey shirkii ugu horreeyey ee Guddiga Maalgashiga Shisheeye ay yeeshaan tan iyo markii 2015kii la ansaxiyey Sharciga Maalgashiga Shisheeye, ayaa maanta lagu qabtay magaalada Muqdisho.
Shirkan oo uu furay Ku Simaha Ra’iisal Wasaaraha XFS ahna Wasiirka Cadaaladda Soomaaliya Mudane Xasan Macalin, ayaa waxa ka soo qeyb-galay Wasiirka Ganacsiga iyo Warshadaha XFS Xildhibbaan Jibril Abdirashid Haji, Wasiirka Qorsheynta XFS Xildhibbaan Beene Beene iyo weli ba Wasaaradaha iyo hay’adaha kale ee xiriirka la leh hawlaha Maalgashiga dalka.
Ujeedka shirkan, ayaa daarnaa is faham ay Wasiirada Wasaaradaha Ganacsiga iyo Qorsheynta Soomaaliya ay dhawaan ka gaadheen in si wada jir ah loogga wada shaqeeyo hawlaha la xiriira Maalgashiga dalka, iyo in si buuxda loo wada taageero shaqada Guddiga Maalgashiga Shisheeye oo bud-dhig u ah in Maalgashiyo caalami ah laga hirgeliyo dalka kuwaas oo abuuraya ganacsigo hor leh, kobac dhaqaale iyo shaqo abuur inta ba.
