Kusoo Dhawaaw Wasaaradda Ganacsiga & Warshadaha

Wasiirka Ganacsiga iyo warshadaha XFS Mudane Eng. Cabdullaahi Cali Xasan ayaa ka qayb galay kulankii labaad ee Guddiga dhaqaalaha wadajirka ah ee dowladaha Turkiga iyo Soomaaliya oo ka dhacay magaalada Ankara ee dalka Turkiga,

02 Nov

Wasiirka Ganacsiga iyo warshadaha XFS Mudane Eng. Cabdullaahi Cali Xasan ayaa ka qayb galay kulankii labaad ee Guddiga dhaqaalaha wadajirka ah ee dowladaha Turkiga iyo Soomaaliya oo ka dhacay magaalada Ankara ee dalka Turkiga,

shirka ayaa looga hadlay Iskaashiga dhaqaalaha laba dhinaclaha ah ee Soomaaliya iyo Turkiga iyo dhaqan gelinta heshiisyadii hore iyo ka faa’iideysiga fursadaha jira.
Shirka oo dhacay 30-31 October 2019 ayaa maalintii hore waxaa isugu yimid guddiyada farsamada ee labada dhinac.
kulanka waxaa sidoo kale lagu soo bandhigay horumarradii dhaqaale ee la gaaray iyo xariirrada dhaqaale, ganacsi, farsamo, dhaqan ee ka dhexeeya labada dowladood, waxaana la isla qiray in ay muhiim tahay in lasii adkeeyo iskaashiga
Wasiirka Ganacsiga iyo warshadaha XFS  ayaa sidoo kale shir doceed layeeshay dhigiisa Wasiirka Ganacsiga iyo Wasiirka Warshadaha ee Dalka Turkiga oo looga hadley xiriirka gaarka ah ee ka dhaxeeya labada Wasaaradood
Guddiga wadajirka ah ee dhaqaalaha Turkiga iyo Soomaaliya oo lagu aasaasay qodobka 7aad ee heshiiskii ganacsiga iyo iskaashiga dhaqaalaha ee labada dowladood saxiixeen 22, 02, 2016, ayaa kulankii ugu horreeyay waxa ay January 11-12, 2018 ku yeesheen isla magaalada Ankara.
Labada dowladood ayaa horay u kala saxiixday heshiisyo iyo is-afgaradyo ay dani ugu jirto labada dal iyo labada shacab.

Write a Reply or Comment